Жаратылыстану - математикалық бағыт бойынша
онкүндік аясында химия пәнінен өткізілген ашық сабақтың есебі ( мұғалім Абилова Г.К. )
02.02.2018 ж 8 сыныпта «Ауа-газдар қоспасы» тақырыбы бойынша ашық сабақ өткізілді.
Сабақтың мақсаты: Ауаның құрамы мен қасиеттері туралы білімді қалыптастыру, атмосфераның ластану себептерін айқындау, экологиялық мәселелердің шешу жолдарын қарастыру.
Сабақта әдіс-тәсілдердің барлық түрлері қарастырылды: көрнекі-құралдары – интербелсенді тақтаны пайдалану, презентация көрсету, жұмыс парақтарын жүргізу, сұрақтары бар карточкаларды пайдалану; ауызша
сөйлеу әдістері – әңгімелесу, бейнетаспаларкөру; практикалық бөлім – практикалық тәжірибелерді жасау.
Сабақ барысында оқушылардың іс-әрекеттеріне үнемі бақылау жасалып отырылды. Балаларға берілген білімнің мазмұны ғылыми және қол жетімді болды. Сабақта әр бір оқушыға жеке-сараланған әдіс-тәсілдері қолданылып, оқушының ерекшеліктері мен әлеуетті мүмкіндігі ескерілді. Бұл сабақтың өмірмен және биология, әдебиет, физика,география сияқты оқу пәндерімен байланысы байқалды.
Ашық сабақта оқушылар пән бойынша жақсы білімдерін көрсете алды. Химия пәніне деген қызығушылықтары артып бұл пәнді оқып-үйренем деген ықпалдары артты.